اردوئے معلیٰ

Search

راہ گم کردہ مسافر کا نگہباں تو ہے

آفتِ جاں پہ مثال مہ تاباں تو ہے

 

اس خدا سے مجھے کیسے ہو مجالِ انکار

جس کے شہ پارہِ تخلیق کا عنواں تو ہے

 

یہ بتانے کو کہ با وزن ہے انسان کی ذات

دست یزداں نے جو بخشی ہے وہ میزاں تو ہے

 

تیرا کردار ہے احکامِ خدا کی تائید

چلتا پھرتا ، نظر آتا ہوا قرآں تو ہے

 

رنگ کی قید نہ قدغن کوئی نسلوں کی یہاں

جس کے در سب پہ کھلے ہیں وہ دبستاں تو ہے

 

میرے نقاد کو شاید ابھی معلوم نہیں

میرا ایماں ہے مکمل ، مرا ایماں تو ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ