اردوئے معلیٰ

رنگ ، خوشبو ، صبا ، خوش فضا آپ سے

حسن و خوبی کی ہر اِک ادا آپ سے

 

مہر و احسان ، لطف و عطا آپ سے

عدل ، انصاف ، عہد و وفا آپ سے

 

چاند ، سورج ، کرن ، نکہتیں ، رونقیں

چاندنی ، روشنی اور ضیا آپ سے

 

حسنِ صوت و صدا ، رنگِ حرفِ دعا

اوجِ صدق و صفا بے ریا آپ سے

 

مرحمت ، منزلت ، بہرِ ہر بے نوا

مہربانی ، کرم ، اور سخا آپ سے

 

خوش عمل ، خوش یقیں ، خوش بیاں ، خوش زباں

خوش نوا ، خوش ادا ، خوش لقا آپ سے

 

عزم و ہمّت میں تاب و تواں آپ سے

صبر ، تسکیں ، یقیں ، اتّقا آپ سے

 

رحمتیں ، برکتیں ، نرمیاں راحتیں

در گزر اور عفو و عطا آپ سے

 

نورئ بے ہنر کیوں نہ ہو مفتخِر

اس کا سارا بھرم سرورا ! آپ سے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ