اردوئے معلیٰ

Search

 

زباں سے نکلا صلِّ علیٰ مواجہ پر

چراغ بن گئے حرف و نوا مواجہ پر

 

درود پڑھتی ہوئی ساعتوں کے جھرمٹ میں

سلام پڑھتا ہوا میں بھی تھا مواجہ پر

 

حضور حرفِ شفاعت کی بھیک دے دیجیے

ہر ایک اشک نے دی یہ صدا مواجہ پر

 

خدا کرے مجھے عمرِ دوام مل جائے

خدا کرے ہو مرا خاتمہ مواجہ پر

 

صبیحؔ مجھ کو حضوری کی مل گئی معراج

طلب کروں تو کروں اور کیا مواجہ پر

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ