اردوئے معلیٰ

Search

سرورِ کونین شاہِ انبیاء سرکار ہیں

رحمتِ عالم حبیبِ کبریا سرکار ہیں

 

رب کے پیارے ہیں محمد مصطفیٰ سرکار ہیں

خلق کے آقا رسولِ مجتبیٰ سرکار ہیں

 

ہے وجودِ پاک اُن کا وجہِ تخلیقِ جہاں

اُن کے صدقے سب بنا سب کی بِنا سرکار ہیں

 

چرخ پر عیسیٰ گئے ہیں طُور پر پہنچے کلیم

پر مکینِ لامکاں شاہِ دنیٰ سرکار ہیں

 

دونوں عالم میں نویدِ خوش ماٰلی مِل گئی

غم کے ماروں بے کسوں کا آسرا سرکار ہیں

 

بات محشر میں ہراِک بگڑی ہوئی بن جائے گی

فضلِ رب سے شافعِ روزِ جزا سرکار ہیں

 

آج تُجھ پر کررہی ہے رشک فردوسِ بریں

گھر میں تیرے اے حلیمہ سعدیہ سرکار ہیں

 

بے شُبہ اُن پر نبوّت کا ہوا ہے اختتام

از رُوئے قرآن ختم الانبیاء سرکار ہیں

 

زندگی جِن کی مکمل رہنما آئین ہے

اے جہاں والوں سُنو وہ با خدا سرکار ہے

 

مُشکلیں کیونکر ڈرائیں گی مجھے تو خیر سے

جب کہ اے مرزا مرے مشکل کُشا سرکار ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ