’’شاخِ مژگاں پر کھلا حرفِ ثنا‘‘
عمر بھر لب پر رہا حرفِ ثنا
پائی لہجے نے حلاوت شہد کی
جب زباں پر آ گیا حرفِ ثنا
میں تہی دامن ، نکما ، بے عمل
بس وسیلہ بن گیا حرفِ ثنا
ان کی خوشنودی ہے میرا مدّعا
مصطفےٰ کی ہے رضا حرفِ ثنا
مصطفےٰ آئے لحد میں سامنے
پیشِ خدمت کر دیا حرفِ ثنا
اس لئے رہتا ہوں آقا ! پرسکوں
حشر کا ہے آسرا حرفِ ثنا
آ گئی کشتی مری گرداب میں
مل گیا ہے ناخدا ، حرفِ ثنا
تا دمِ آخر رہے وردِ زباں
ہے جلیل اپنی دعا ، حرفِ ثنا
