اردوئے معلیٰ

Search

شافعِ روزِ جزا نورِ ہدیٰ ماہِ عرب

بالیقیں ہیں آپ شاہِ انبیا ماہِ عرب

 

قبر میں کنت تقولوا جب کہیں منکر نکیر

اس گھڑی ہونٹوں پہ ہو صل علی ماہِ عرب

 

گو نہیں زادِ سفر لیکن گزارش ہے یہ ہی

اذن طیبہ کا مجھے کردے عطا ماہِ عرب

 

تذکرہ کرتا رہوں ہر وقت شہرِ نور کا

زیست کا مقصود ہے طیبہ ترا ماہِ عرب

 

طوق خواجہ کی غلامی کا رہے زیبِ گلو

میں رہوں تیرے گداؤں کا گدا، ماہِ عرب

 

روز دل میں یادِ طیبہ لے کے سوجاتا ہوں میں

بہر رحمت ہی کبھی خوابوں میں آ، ماہِ عرب

 

گنبدِ خضریٰ تصور میں لئے بیٹھا رہوں

اور مری آنکھیں رہیں محوِ لقا ماہِ عرب

 

عشق و الفت کا تقاضہ ہے کہ تیرا ذکرِ پاک

ہوبیاں لب سے مرے صبح و مسا ماہِ عرب

 

تیری پیزاروں سے مس ہو کے فروزاں جو ہوئی

کاش مل جائے وہی خاکِ شفا ماہِ عرب

 

جب ہو منظرؔ قادری کے سامنے روضہ ترا

بس اِسی لمحے اُسے آئے قضا ماہِ عرب

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ