اردوئے معلیٰ

Search

 

شاہدِ کبریا ہیں چارہ ساز​

اے غمِ عشق تیری عمر دراز​

 

ذکرِ معراجِ مصطفےٰ کی قسم​

عرش تک ہے خیال کی پرواز​

 

اللہ اللہ حریمِ عرش نورد​

کوکب و مہر و مہ ہیں پا انداز​

 

آپ بستے ہیں میری آنکھوں میں​

آپ ہیں بزمِ دل میں جلوہ طراز​

 

آپ کے غم پہ جان دیتا ہوں​

ہے یہی میری زندگی کا راز​

 

آپ محمود ہیں محمد ہیں ​

آپ کی مدح ہے متاعِ ایاز​

 

ہمہ تن درد بن گیا ہے ایاز​

اک نظر اے جہاں کے چارہ ساز​

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ