اردوئے معلیٰ

Search

عبادت پر میں اکسایا گیا ہوں

بذکرِ حور للچایا گیا ہوں

 

بنی ہے تب مسلماں کی سی صورت

جب انگاروں پہ تڑپایا گیا ہوں

 

تصور سے بنایا پیکرِ گِل

کہاں تھا میں کہاں لایا گیا ہوں

 

خودی کی جستجو اللہ توبہ

بہت کھویا تو کچھ پایا گیا ہوں

 

پریشانی مرے دل کی یہی ہے

خرد کے ساتھ الجھایا گیا ہوں

 

اُسی صورت اٹھا مٹی میں مل کر

میں کس مٹی کا بنوایا گیا ہوں

 

نہیں میں واقفِ شہرِ خموشاں

نظرؔ پہلی دفعہ لایا گیا ہوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ