اردوئے معلیٰ

Search

عشق سجدہ اسیں ہر وقت ادا رکھدے آں

دل نوں چا کے تری دہلیز تے جا رکھدے آں

 

کول اپنے اسیں ہر غم دی دوا رکھدے آں

اپنے ہوٹھاں تے تری نعت سدا رکھدے آں

 

حشر دی گرمی توں آوے وی تے ڈر کیوں آوے

اپنے دامن ترے کوچے دی ہوا رکھدے آں

 

ہور ویکھے نہ کوئی تینوں خدا فرماوے

بشری پردے اسیں محبوب لُکا رکھدے آں

 

تاہنگھ رکھدے او مدینے دی جدوں میں پچھناں

نین بے چین چھلک پوندے کہ ’’ـہا‘‘ رکھدے آں

 

خاب آوے کدی سرکار دا جلوہ لے کے

اکھ نمانی دی اسیں سیج سجا رکھدے آں

 

طور تے جائیے تے اعجازؔ اسیں کیوں جائیے

دل دے ویہڑے تری ڈاچی دا کھرا رکھدے آں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ