اردوئے معلیٰ

Search

لفظ کتنے ہی روانی میں رہے

ہم فقط اپنی جوانی میں رہے

 

دل کہیں اور کہیں ہے دھڑکن

کون بے ربط کہانی میں رہے

 

اُس نے تحریر کیا ہی کب تھا

ہم فقط اُس کی زبانی میں رہے

 

ٹھوکریں آنکھ میں کھاتے کھاتے

دکھ مری آنکھ کے پانی میں رہے

 

میں اکیلا تو نہیں لڑ سکتا

اُس سے کہہ دو کہ کہانی میں رہے

 

زینؔ دیکھو وہ کہاں جا نکلا

تم اُسی شام سہانی میں رہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ