اردوئے معلیٰ

Search

لہو کا ذائقہ جب تک پسینے میں نہیں آتا

میں پیدل چل کے مکّے سے مدینے میں نہیں آتا

 

کوئی مقصد تو ہے سینے میں سانسوں کی تلاوت کا

فقط جینا تو جینے کے قرینے میں نہیں آتا

 

بس اُنگلی کے اشارے سے مرے دل کو بھی شق کر دے

پگھلنے سے یہ پتھر آبگینے میں نہیں آتا

 

مدینے کی ہَوا کی تمکنت ملتی ہے جب گوہر

دل اتنا پھیل جاتا ہے کہ سینے میں نہیں آتا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ