اردوئے معلیٰ

Search

محمد مصطفیٰ کی آرزو کر لوں

مگر پہلے میں اشکوں سے وضو کر لوں

 

بہت روضے کو دیکھا ہے تصور میں

میں اپنے آپ کو بھی روبرو کر لوں

 

مجھے بھی عشق ہے محبوب سے تیرے

اجازت ہو تو میں بھی جستجو کر لوں

 

مجھے روضے پہ اے دل حوصلہ دے دے

میں اُن سے دو گھڑی تو گفتگو کر لوں

 

میں لکھ کر آنسوؤں سے نعت کا ناصرؔ

تمنا ہے کہ خود کو سرخ رو کر لوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ