اردوئے معلیٰ

Search

مرسلِ مرسلاں المدد المدد

مہر کے آسماں المدد المدد

 

اہلِ دل کو عطا ہو کرم اے رسول

ہے صدائے رواں المدد المدد

 

اسمِ احمد دوا ہے ہر اک درد کی

اک ہے وردِ لساں المدد المدد

 

درد کو حوصلہ رحم کا آسرا

اے اماں کی اماں المدد المدد

 

اے رسولِ الٰہی عطا ہو کرم

سرورِ سروراں المدد المدد

 

اے دلارِ الٰہی کرم ہو سدا

اے مرے حکمراں المدد المدد

 

سائلِ کم عمل کا ہے اک مدعا

ماورائے گماں المدد المدد

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ