مرے مولا ! مگر تجھ کو بقا ہے

تجھے ہی کبریائی بس روا ہے

مرے اللہ ! تُوسب سے بڑا ہے

میں تیرا ہوں ، ترا ہوں ، بس ترا ہوں

تُو میرا ہے ، مرا ہے ، بس مرا ہے

عبادت کرتا ہُوں میں بس تری ہی

مرے اللہ تُو میرا خدا ہے

تُو میرا ہر گھڑی ، ہر پل کا ساتھی

تُو میرا راہبر ہے رہنما ہے

تُو حل کرتا ہے سب کی مشکلوں کو

تُو ہر انسان کا مشکل کشا ہے

تُو ہی کرتا ہے غم میں دستگیری

نگہباں ہے مرا ، غم آشنا ہے

اطاعت ہے نبی کی ، رب کی طاعت

یہی قرآن میں لکھّا ہُوا ہے

سرِ محشر مری بھی لاج رکھنا

فقط رحمت کا تیری آسرا ہے

نبی کا امتی ہم کو بنایا

کرم یا رب ترا بے انتہا ہے

الہیٰ ! بخش دے دانش کو اپنے

یہ بندہ ہے تو عاصی ، پر ترا ہے