اردوئے معلیٰ

Search

مومنوں پر رب کا احساں جشنِ میلاد النبی

کس قدر شاداں و فرحاں جشنِ میلاد النبی

 

باعثِ دین اور ایماں جشنِ میلاد النبی

اور بخشش کا بھی ساماں جشنِ میلاد النبی

 

نور کا چشمہ رواں ہے ابرِ رحمت کی جھڑی

آ گئے ہیں نورِ یزداں جشنِ میلاد النبی

 

آؤ ، آؤ سائلو جو مانگنا ہے مانگ لو

آج بھر جائیں گے داماں جشنِ میلاد النبی

 

شادمانی کے ترانے گونجتے ہیں چار سو

جھومتے ہیں سب مسلماں جشنِ میلاد النبی

 

چار جانب اُن کے آنے کی بشارت مرحبا!

چار جانب ابرِ باراں جشنِ میلاد النبی

 

اُن کی آمد پر خدا نے خود کیا روشن جہاں

آج ہے گھر ، گھر چراغاں جشنِ میلاد النبی

 

مومنوں کے واسطے آبِ حیات اُترا رضاؔ

دیکھ کر جلتے ہیں شیطاں جشنِ میلاد النبی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ