اردوئے معلیٰ

Search

مڑ کے تکتے نہیں پتوار کو لوگ

ایسے جاتے ہیں ندی پار کو لوگ

 

میں تو منزل کی طرف دیکھتا ہوں

دیکھتے ہیں مری رفتار کو لوگ

 

سائے کا شکر ادا کرنا تھا

سجدہ کرتے رہے دیوار کو لوگ

 

آئنہ میرے مقابل لائے

خوب سمجھے مرے معیار کو لوگ

 

نام لکھتے ہیں کسی کا لیکن

دکھ بتاتے نہیں اشجار کو لوگ

 

صبر کی داد نہیں دیتا کوئی

حوصلہ دیتے ہیں بیمار کو لوگ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ