اردوئے معلیٰ

Search

 

وہ جو قرآن ہو گیا ہوگا

ان کا فرمان ہو گیا ہوگا

 

سجدہ کر کے جو سر نہیں اُٹھا

در پہ قربان ہو گیا ہوگا

 

یا عقیدت میں اپنی جاں دے کر

ہمہ تن جان ہو گیا ہوگا

 

کسے ملتا؟ مزاج پاک حدیث

حفظ، قرآن ہو گیا ہوگا

 

اپنے دل کو تلاش کرتا ہوں

ان کا ارمان ہو گیا ہوگا

 

جس نے دیکھا ہے بار بار انہیں

کیوں نہ ذیشان ہو گیا ہوگا

 

غم کا احساس کیوں نہیں ہے وہاں

ان کا احسان ہو گیا ہوگا

 

نعت کہتا رہا جو دل سے صبیحؔ

وہ بھی حسّان ہو گیا ہوگا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ