اردوئے معلیٰ

Search

 

وہ لطف رنگ سحاب بھی ہے نسیم رحمت ماب بھی ہے

رسولوں میں انتخاب بھی ہے زمیں پہ گردوں کا رکاب بھی ہے

 

رفیق بھی ہے خلیق بھی ہے آشنائے رمز طریق بھی ہے

وہ ایک بحر عمیق بھی ہے بشر فرشتہ جناب بھی ہے

 

وہ پیکر نور ہے مجسم وہ راز عرفان حق کا محرم

وہ عاجزوں بیکسوں کا ہمدم وہ اک جلالت ماب بھی ہے

 

رحیم بھی ہے کریم بھی ہے نعیم بھی ہے حکیم بھی ہے

جہاں میں فضل عظیم بھی علیم راہ ثواب بھی ہے

 

مئے رسالت کا نور پیکر خم حقیقت کا صاف منظر

وہ بادہ معرفت کا ساغر جہاں میں دور شراب بھی ہے

 

وہ بحر عرفاں کا ہے سفینہ کہ حق کا سینہ ہے اک خزینہ

ہے بام حقانیت کا زینہ وہ گویا لاحساب بھی ہے

 

شفیع بھی ہے سمیع بھی ہے خبیر بھی ہے

بصیر بھی ہے نصیر بھی ہے مگر وہ امی خطاب بھی ہے

 

وہ ذرہ ہو کر بھی مہر ٹھہرا وہ قطرہ ہو کر بنا ہے دریا

بشر بھی فوق البشر ہے یکتا وہ بحر بھی حباب بھی ہے

 

وہ سینہ اس کا فلک فضا ہے وہ قلب اس کا رہ صفا ہے

وہاں وہ بیدار رہنما ہے خضر جہاں محو خواب بھی ہے

 

وہ قاب قوسین کا نظارہ حبیب کہہ کر جسے پکارا

احد کا احمد سے ہے اشارہ سوال بھی ہے جواب بھی ہے

 

ہے روح فردوس کا خزانہ کہ نعت گوئی کا ہے ترانہ

کہ جس کا شیدا ہے اک زمانہ یہ باغ رضواں کا باب بھی ہے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ