اردوئے معلیٰ

Search

پلتی ہے کب سے دِل میں مدِینے کی آرزُو

اور اُن کی چشمِ پاک سے پینے کی آرزُو

 

آقائے دو جہاں سے عقِیدت نہ ہو تو، ہو

مرنے کا حوصلہ نہ ہی جِینے کی آرزُو

 

ایسا بھی ہو گا دن کہ مدینے کو جائیں گے

حج کے ہجوم میں ہے پسینے کی آرزُو

 

جِن کو حضور یاد کریں خوش نصیب ہیں

اُن کا ہُنر کمال، قرینے کی آرزُو

 

ہے چاک چاک دامنِ دل بھی مِرے حُضور

لے کر چلا ہوں روضے پہ سینے کی آرزُو

 

حسرتؔ مِلے گی گُنبدِ خضرا کی نرم چھاؤں

دیکھو تو مُجھ حقِیر کے جینے کی آرزُو

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ