اردوئے معلیٰ

Search

کرم کی روئیداد آپ ہیں

حضور زندہ باد آپ ہیں

 

مجھے قضا کا کوئی ڈر نہیں

اگر قضا کے بعد آپ ہیں

 

برائے عشق ہم ہیں ناصحو !

برائے اجتہاد آپ ہیں

 

نہ کیوں مطافِ خلد ہو یہ دل

جو دل کی جائیداد آپ ہیں

 

اے آرزوئے حُسنِ کائنات

دلِ حزیں کی یاد آپ ہیں

 

اے بوسہ گاہِ رونقِ ارم

نگاہ کی مراد آپ ہیں

 

اے کعبہِ تبسمِ جہاں

کرے جو دل کو شاد ، آپ ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ