اردوئے معلیٰ

Search

ہر اک ورق پر سجا سجا کر حضورِ اکرم کا نام لکھنا

کہ نعت گویانِ مصطفیٰ کا ہے کام نعتِ مدام لکھنا

 

اگر جو ترتیب دینا چاہو مراتبِ خلقِ ربِّ عالم

تو سب سے پہلے سبھی سے پہلے مقامِ خیر الانام لکھنا

 

مدینہ ، طیبہ کے زائروں تم حرم کے صحنِ کرم میں جا کر

نشانِ رحمت حسین گنبد پہ روز لاکھوں سلام لکھنا

 

کوئی بھی اُسلوب و طرزِ شعر و سخن نہیں ان کی شاں کے شایان

نہیں ہے ممکن کسی زباں میں بھی مدحِ حسنِ تمام لکھنا

 

نبی سے وہ ہیں نبی ہیں اُن سے یہ خود نبی نے سند اُنھیں دی

تو ہم پہ لازم ہے اُن کا رتبہ امامِ عالی مقام لکھنا

 

مرا تعارف گداے اصحاب و پنجتن ہے مجھے ہمیشہ

غلام ابنِ غلام ابنِ غلام ابنِ غلام لکھنا

 

اے لکھنے والے نصیبِ منظر میں روز محشر نبی کے صدقے

اُنھی کے دستِ عطا سے میرے لیے بھی کوثر کا جام لکھنا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ