رہتے ہیں گلستانِ مدینہ میں مگن پھول

اللہ نے کس شان سے تخلیق کیا ہے

سرکارِ دو عالم کا تو ہے سارا بدن پھول

کرتا ہے درودوں کا وظیفہ جو شب و روز

اس ورد کے صدقے میں وہ بنتا ہے دہن پھول

اللہ کے الفاظ ہیں آقا کی زباں ہے

سرکارِ مدینہ کا ہے ایک ایک سُخن پھول

ہر سمت جہالت ہی جہالت تھی جہاں میں

برسانے لگا آپ کی آمد پہ گگن پھول

رعنائی ہر اِک شے کو ملی آپ کے صدقے

ہیں آپ کے فیضان سے سب کوہ و دمن پھول

جن کو درِ آقا کی غلامی ہے میسّر

ہر گام پہ پھر چومتے ہیں اُن کے چرن پھول

ہے عاشقِ سرکارِ دو عالم کا یہ ایماں

اُمّت کے لیے ہیں یہ حُسین اور حَسن پھول

اس مُلک کو نسبت ہے نبی اور علی سے

خاکیؔ یہ مرا سارے کا سارا ہے وطن پھول

(برزمینِ اعلیٰ حضرت)