اردوئے معلیٰ

Search

یہ بسمل خستہ دل آتش بجاں تیرا ہے یا میرا

مسلماں خاکداں میں میہماں تیرا ہے یا میرا

 

بجا ہے شک ترا یا رب مرے اخلاصِ طاعت پر

قصور و حور کا لیکن بیاں تیرا ہے یا میرا

 

علوم و آگہی میری ہے گرچہ فتنہ زا لیکن

یہ کارِ کشفِ اسرارِ جہاں تیرا ہے یا میرا

 

نگاہ و دل کی لغزش پر سزاوارِ سزا ہوں میں

مگر یہ فتنۂ حسنِ بتاں تیرا ہے یا میرا

 

ستم کش آہ کش بندے نظرؔ آتے ہیں گر تیرے

تو ہی بتلا دے مجھ کو آسماں تیرا ہے یا میرا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ