اردوئے معلیٰ

Search

یہ فرض عقیدت ادا کر رہا ہوں

میں توصیفِ خیرالوریٰ کر رہا ہوں

 

محمد محمد مدینہ مدینہ

یہی ورد صبح و مسا کر رہا ہوں

 

الاؤ دہکتا ہے سینے کے اندر

جدائی کا سامنا کر رہا ہوں

 

غموں اور دکھوں کی تمازت میں سر پر

بہارِ مدینہ ردا کر رہا ہوں

 

غلامی شاہ مدینہ کی صورت

میں تقلیدِ رب علیٰ کر رہا ہوں

 

قلم کربلا آشنا ہو رہا ہے

میں اشکوں سے گریہ رسا کر رہا ہوں

 

خیالِ شہِ والا دل میں سجا کر

ہر اک غم کو مظہرؔ فنا کر رہا ہوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ