یہ میرا دل ہے کہ خالی پڑا مکاں کوئی ہے؟
جواب دے کوئی مجھ کو اگر یہاں کوئی ہے
وہ جو بھی ہے،مجھے ہونے نہ دے گا تیرا کبھی
پتہ نہیں ہے مگر اپنے درمیاں کوئی ہے
ترا غرور مجھے پا کے کچھ غلط بھی نہیں
یہاں پہ مجھ سے زیادہ حسیں جواں کوئی ہے؟
یہ دشمنوں کو گلہ ہے کہ ان کے بچنے کو
زمین کوئی نہیں ہے، نہ آسماں کوئی ہے
یہ میرے دل کی ہے ویراں حویلی دور رہو
یہ با ت لوگوں میں مشہورہے ، یہاں کوئی ہے
سوال حل نہ ہوئے اور وقت ختم ہوا
یہ زندگی ہے یا "بی- اے” کا امتحاں کوئی ہے؟