اردوئے معلیٰ

Search

یہ وحشتوں کی جو تاثیر میری آنکھ میں ہے

کسی سراب کی تصویر میری آنکھ میں ہے

 

تو اپنے خواب کو آئینہ عدو میں نہ بو

کہ تیرا خطہءِ تعبیر میری آنکھ میں ہے

 

ہنسا جو تجھ پہ کبھی آئینہ ، مجھے ملنا

ترے جمال کی توقیر میری آنکھ میں ہے

 

اسی لیے کوئی منظر مجھے نہیں بھاتا

کسی نظر کا بجھا تیر میری آنکھ میں ہے

 

وہ اک سخن جو کبھی تھا تمہارے ہونٹوں پر

اسی کی آج یہ تفسیر میری آنکھ میں ہے

 

ہے اپنا کلیہءِ تطہیر بھی خرد افزوں

اگر وہ خواب کی تاثیر میری آنکھ میں ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ