ہیں ہم چاک داماں خدائے محمد

by admin

بہت ہی پریشاں خدائے محمد

پڑے کوئی مشکل ہمیں زندگی میں

کرے تو ہی آساں خدائے محمد

عجب بُت پرستی کا ہے دور دورہ

تُو دے حکم آذاں خدائے محمد

شجر ہوں حجر ہوں کہ ہوں بیل بوٹے

ہیں تیرے ثنا خواں خدائے محمد

ترِے سادہ بندے گھرے گمرہی میں

سو دے اپنی پہچاں خدائے محمد

تری عظمتوں کا شناسا محمد

ہیں ان کا قدر داں خدائے محمد

محمد کا صدقہ معافی عطا کر

کھڑے ہیں پشیماں خدائے محمد

ہمیں کملی والے کی اُمّت بنا کر

کیا تو نے احساں خدائے محمد

گھرے کوئی طوفانِ رنج و بلا میں

غموں کا ہے درماں خدائے محمد

کرم کی ہو بارش کہ پھر سے ہرا ہو

مرا نخلِ ایماں خدائے محمد

جلیلِ حزیں پر کرم کر الٰہی

یہ ہے غرقِ عصیاں خدائے محمد

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

ضیائے کون و مکاں لا الٰہ الا اللہ

بنائے نظمِ جہاں لا الٰہ الا اللہ شفائے دردِ نہاں لا الٰہ الا اللہ سکونِ قلبِ تپاں لا الٰہ الا اللہ نفس نفس میں رواں لا الٰہ الا اللہ رگِ حیات کی جاں لا الٰہ الا اللہ بدستِ احمدِ مرسل بفضلِ ربِّ کریم ملی کلیدِ جناں لا الٰہ الا اللہ دلوں میں جڑ جو پکڑ […]

by admin

لفظ میں تاب نہیں، حرف میں ہمت نہیں ہے

لائقِ حمد، مجھے حمد کی طاقت نہیں ہے ایک آغاز ہے تو، جس کا نہیں ہے آغاز اک نہایت ہے مگر جس کی نہایت نہیں ہے وحشتِ قریۂ دل میں ترے ہونے کا یقیں ایسی جلوت ہے کہ مابعد بھی خلوت نہیں ہے ترا بندہ ہوں، ترے بندے کا مداح بھی ہوں اس سے آگے […]

by admin