نطق ہے بے جان میرا لفظ سارے منفعل

اے رسولِ ہاشمی امداد کن امداد کن

نرغۂ اعداء میں ہے تیرا یہ بندہ مستقل

ذکرِ اسمِ پاک سے باقی ہیں آثارِ حیات

ذکرِ اسمِ پاک سے ہر زخم ہوتا مندمل

اپنے دل پر نقشِ نعلینِ کرم رکھتا ہوں میں

لرزشِ تارِ نفس ہوتی ہے جب بھی مضمحل

یہ قلم افراط اور تفریط سے محفوظ رکھ

الحذر ہے راہِ مدحت نطق کو رکھ معتدل

مانگتا ہوں بارگاہِ سیدِ کونین سے

ایک مسکن روضۂ انور سے بالکل متّصل

اُوڑھ لوں گا میں رداے لاتخف محشر کے دن

چار سُو جب چل رہی ہوگی ہواے جاں گُسِل

منظر انسانیت اک دور سے تھا کرب میں

دور تھا وہ پانچ سو ستّر برس پر مشتمل