منقبت سیّدنا عثمانِؓ غنی

by admin

بنا جو عزم کی پہچان حق کے دیں کیلئے

کریں تو کیا بھلا ہم نذر اُس حسیں کیلئے

ہے شہرہ غیرتِ دینی کا آسمانوں میں

ادائے عدل نمونہ بنی زمیں کیلئے

تیری سیرت ترے افکار بھی لازم ٹھہرے

راہِ عرفاں کے لیے منزلِ یقیں کیلئے

معترف ہو گئے حکمت کے سبھی دانشور

مشعلِ راہ تدبر ہے سلاطیں کیلئے

جو شاہِ دین کی عزت کا پہرے دار رہا

جھکے ہیں سر دلِ آقا کے اُس مکیں کیلئے

اُسی کے نام سے لرزا ہے کفر پر طاری

اُسی کا ذکر ہے مرہم دلِ خزیں کیلئے

دعائیں دِل سے ہمارے بھلا نہ کیوں نکلیں

اُس ایک دیدہ وَر و رہبر و امیں کیلئے

شکیلؔ اب بھی خمیدہ ہے عظمت و حشمت

وارثِ دین ترے عزم کی جبیں کیلئے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

الاماں قہر ہے اے غوث وہ تیکھا تیرا

مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھنٹ جاتی ہیں اٹھتا ہے تو تیغا تیرا عکس کا دیکھ کے منہ اور بپھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دو پر کالے ہاتھ پڑتا […]

by admin

بندہ قادر کا بھی، قادر بھی ہے عبد القادر

سرِ باطن بھی ہے ظاہر بھی ہے عبد القادر مفتیِ شرع بھی ہے قاضیِ ملت بھی ہے علمِ اسرار سے ماہر بھی ہے عبد القادر منبع فیض بھی ہے مجمع افضال بھی ہے مہرِ عرفاں کا منور بھی ہے عبد القادر قطب ابدال بھی ہے محور ارشاد بھی ہے مرکزِ دائرہ سرّ بھی ہے عبد […]

by admin