پڑا ہوں میں یہاں اور دل وہیں ہے
الٰہی میں کہیں ہوں وہ کہیں ہے
Author: admin
نہ پوچھو ہم سفرو مجھ سے ماجرا وطن
وطن ہے مجھ پے فدا اور میں فدائے وطن
نہ نکلی حسرت دل ایک بھی ہزار افسوس
عدم سے آئے تھے کیا کیا ہم آرزو کرتے
میں شوق وصل میں کیا ریل پر شتاب آیا
کہ صبح ہند میں تھا شام پنچ آب آیا
لے قضا احسان تجھ پر کر چلے
ہم ترے آنے سے پہلے مر چلے
لبوں پہ جان ہے اک دم کا اور میہماں ہے
مریض عشق و محبت کا تیرے حال یہ ہے
فرقت کی رات وصل کی شب کا مزہ ملا
پہروں خیال یار سے باتیں کیا کیے
ریل پر یار آئے گا شاید
مژدۂ وصل آج تار میں ہے
رسم الٹی ہے خوب رویوں کی
دوست جس کے بنو وہ دشمن ہے
راہ الفت میں ملاقات ہوئی کس کس سے
دشت میں قیس ملا کوہ میں فرہاد مجھے