سہارا دے گی مجھے آپ کی نظر تنہا تمہاری یاد نہ ہوتی تو مَیں کہاں جاتا مَیں کیسے کرتا بھلا زندگی بسر تنہا تمہارے در سے نہ ملتی یقین کی دولت گماں کے دشت میں پھرتا میں بے خبر تنہا تمہارے نقشِ کفِ پا کا عکس دل پہ لیے ہجومِ کاہکشاں میں رہا قمرؔ تنہا

آپ کی ذاتِ پاک ہے باعثِ خلقِ کائنات ان کی ادا نماز ہے ان کا ہر اِک قدم ہے دیں ذکرِ نبی خدا کا ذکر، قولِ نبی خدا کی بات شہرِ رسولِ پاک میں بارشِ نور ہر طرف روضۂ پاک بالیقیں مرکزِ تجلیات ان کا خیالِ پاک ہے فکر و نظر کی زندگی ذکر ہے […]

نگارِ انجمن شہکار کل تخلیق ربانی حرا کی خلوتوں سے اِک نظامِ زندگی لائے رہے گی تا قیامت اس کلامِ حق کی تابانی نصابِ زندگی ہر دور کے انسان کی خاطر عیاں ہوتے رہیں گے حشر تک اسرارِ قرآنی

وہ اپنے دوش سے بارِ گنہ اُتار چلے حضور آپ کے در سے جو اشک بار چلے سند نجات کی لے کر گناہ گار چلے خزاں رسیدہ گلستانِ عصر پر آقا حیاتِ نو کے لیے بادِ کوئے یار چلے سروں پہ خاکِ مدینہ دِلوں میں عشقِ رسول متاعِ کون و مکاں لے کے خاکسار چلے

جہاں پر طائر سدرہ نشیں اب تک پر افشاں ہے وہاں پر زندگی ہے بندگی ہے کیف و مستی ہے یہاں پر دل پشیماں، چشمِ گریاں آہِ سوزاں ہے کرم اے رحمت اللعالمیں کہ آپ کے در پر غریب و بیکس و نادار یہ قمرالزماں خاں ہے