خدا کے حمد گو سر و سمن ہیں خدا کے حمد گو صحرا و بن ہیں خدا کے حمد گو کوہ و دمن ہیں

خدا کے حمد گو جنات اِنساں خدا کے حمد گو گریاں و خنداں خدا کے حمد گو شاداں و فرحاں

میں ہر دم ہوں خدا کی بارگہ میں میں رہتا ہوں ہمیشہ سرخمیدہ بدل لیتا ہوں ہر جا سجدہ گہ میں

ہوا طوفان میں پیدا کنارا مِلا اُس دم مجھے غیبی سہارا مجھے ساحل پہ موجوں نے اُتارا

فضاؤں میں، زمین و آسماں میں ہر اک گلشن، چمن، ہر گلستاں میں ظفرؔ ہر شش جہت، کون و مکاں میں

زمین و آسماں، کون و مکاں ہیں ملائک سرخمیدہ، اِنس و جاں ہیں خدا مشفق ہیں مُونس، مہرباں ہیں

عطا کی برملا اپنی محبت کرم مجھ پر کیا ربّ العلیٰ نے ہے دی بے انتہا اپنی محبت

خدا قائم ہے دائم جاوداں ہے ظفرؔ عشاق کے ننگے سروں پر خدا کی رحمتوں کا سائباں ہے