کبھی ہے پھول کبھی خارزار ہے ساحرؔ
کبھی ہے موم کبھی خشت و سنگ ہے دنیا
Tag: دنیا
ساحرؔ نظر آئے ہیں آثارِ سحر مجھ کو
شاید مری دنیا میں چمکے گا نیا سورج
دل میں بھی نکل سکتی ہے گنجائشِ دنیا
لیـکن ، اِسے بازار بنانے سے رہا مَیں
صد شکر مجھ کو دولتِ ایمان مل گئی
یعنی خود اپنی ذات کی پہچان مل گئی دل کی نظر سے میں نے جو دیکھی یہ کائنات ہر شئے جو تھی مفسرِ قرآن مل گئی
دنیا نے جسے لینے سے انکار کیا تھا
وہ غم بھی مرے واسطے سوغات میں آئے
تم پہ کھل جائے گی دنیا کی حقیقت کیا ہے
تم بھی دنیا کی نگاہوں سے اتر کر دیکھو
آوارۂ طوفاں کو سنورنا نہیں آتا
ڈوبی ہوئی کشتی کو ابھرنا نہیں آتا ہر گام پہ ہوتا ہے گماں حدِ عدم کا شاید مجھے دنیا سے گزرنا نہیں آتا
وہ درد و داغِ دل تھا کہ سوزِ آہ و اشک
دنیا نے ہر حسابِ الم ، بیش و کم لیا
یہ شور ، یہ ہنگامہ ، اس محشرِ دنیا میں
اک عمر سے بہتر ہے اک لمحۂ تنہائی
دنیا سے کیا امید کہ ڈھونڈے گی کل ہمیں
احباب تو مزار کا پتھر بدل گئے