میں ہجر زاد کہاں اور وصالِ یار کہاں
مگر جناب! تمنا پہ اختیار کہاں
Tag: عشق بخیر
بڑا کریم ہے وہ ، ہر شجر کو پھل دے گا
تجھے جمال دیا ہے ، مجھے غزل دے گا
موت صدیوں سے تعاقب میں ہے لیکن فارس
زندگی اپنی حفاظت کا ہُنر جانتی ہے
اُداسی صحن کے کونے میں سمٹی سمٹائی
ہِلے بنا مجھے چُپ چاپ تکتی رہتی ہے
مار ہی ڈالا کرو ، طنز نہ فرمایا کرو
طنز دُنیا پہ تو سجتا ہے مگر تُم پہ نہیں
ہمارا بخت ہی ایسا کرخت نکلے گا
کہ ہم خریدیں تو ریشم بھی سخت نکلے گا
یوں تو شہر میں دس مے خانے ہیں لیکن
تیری آنکھیں بھی گِن لیں تو بارہ ہیں
چار شعروں کی مار ہے وہ شخص
لیکن اب میرا جی نہیں کرتا
میں ایسا پیڑ ہوں جس کی تمام شاخوں پر
تمہاری یاد کی چڑیا پھدکتی رہتی ہے
نیا کرائے دار یہ سُن کر کانپ رہا ہے
اس کمرے میں صدیوں تک اِک سانپ رہا ہے