میں پھول بھی ہوں ، زخم بھی ، خوشبو بھی ، درد بھی
گلشن کی موجِ رنگ بھی ، صحرا کی گرد بھی
Tag: پھول
تیری خوش بُو سے بھری ہوتی ہیں جیبیں ان کی
میں نے جس روز بھی پھولوں کی تلاشی لی ہے
اُس نے کاغذ پہ کوئی پھــــول بنا کر بھیجا
اور اُس پھول سے آنے لگی مہکار مجھے
میں ایک پھول ہوں کیچڑ میں مسکراتا ہوا
میں سانس لیتی ہوئی زندگی کا آدمی ہوں
پردیس میں رہ کے کوئی کیا پاؤں جمائے
گملے میں لگے پھول کی قسمت ہی الگ ہے
ایک اس پھول کے نہ ہونے سے
باغ میں کس قدر اداسی ہے
بدن پر بار ہے پھولوں کا سایہ
مرا محبوب ایسا نازنیں ہے
بدن میں زخم نہیں بدھیاں ہیں پھولوں کی
ہم اپنے دل میں اسی کو بہار جانتے ہیں
اُس ایک شخص کے ہنسنے سے کام چلتا ہے
ہمارے شہر میں پھولوں کی اک دکان نہیں