چمن والوں سے مجھ صحرا نشیں کی بودو باش اچھی
بہار آ کر چلی جاتی ہے ویرانی نہیں جاتی
Tag: صحرا
وہ دن گئے کہ صرف گریباں پہ زور تھا
اب ہاتھ میں ہوں دامنِ صحرا لیے ہوئے
حسن دے کر پھول کو صحرا میں پیدا کر دیا
گوہرِ رخشاں کو وقفِ قعرِ دریا کر دیا ہے نظامِ زندگی بالاتر از ادراک و فہم بس یہی کہیے کہ اس نے جو بھی چاہا کر دیا
راہِ جنوں میں جوش کا عالم نہ پوچھیے
رکھا جہاں قدم ، اُسے صحرا بنا دیا
جو بوند بوند کو ترسے خرد کے صحرا میں
جنوں سے ملتے تو دریا تلاش کر لیتے
میں پھول بھی ہوں ، زخم بھی ، خوشبو بھی ، درد بھی
گلشن کی موجِ رنگ بھی ، صحرا کی گرد بھی
جو دیکھیے تو بگولہ ہے ریگِ آوارہ
جو سوچیے تو یہی آبروئے صحرا ہے
حیف اتنا تو دمِ رخصت کیا ہوتا خیال
کون اس صحرا میں اس بیکس کا ہو گا غمگسار