میں جس ارادے سے جارہی ہوں اسی ارادے سے لڑ پڑوں گی
مرے سپاہی کو کچھ ہوا تو میں شاہزادے سے لڑ پڑوں گی
Category: شاعری: مشہور اور بہترین شاعری کا ذخیرہ
تیری دستار کے ہر بل میں نہاں سجدے ہیں
میرا سر ننگا سہی شان مگر باقی ہے
مرے گمان سے وہ شخص مرنے والا ہے
مرے گمان سے وہ شخص جانے والا ہے جسے میں آئینے میں دیکھتا ہوں اپنی جگہ
آج کل میرے تصرف میں نہیں ہے لیکن
زندگی شہر میں ہوگی کہیں دو چار کے پاس
خدا نے مجھ کو یہ اعزاز بخشا
مجھے سرکارؐ کا درباں بنایا محبت میرے دل میں اپنی ڈالی درِ محبوب پر مجھ کو بٹھایا
خدا قائم ہے دائم جاوداں ہے
وہ مخلوقات کا روزی رساں ہے خدا کی یاد ہے دل میں ظفرؔ کے خدا کے ذکر میں ہی اُس کی جاں ہے
نہ مال و زر، نہ تاج و تخت مانگو
نہ شان عالی، نہ عالی بخت مانگو خدا سے بس خدا و مصطفیٰؐ کی محبت ہر گھڑی ہر وقت مانگو
خدا کی حمد میں رطب اللساں ہیں
مکیں سارے مکان و لامکاں ہیں ظفرؔ سارے زمانے سرخمیدہ ادب سے سرنگوں سارے جہاں ہیں
رحیم و مہرباں میرا خدا ہے
کرم کا سائباں میرا خدا ہے میں تپتی دھوپ میں بھی پرسکوں ہوں ظفرؔ سایہ کناں میرا خدا ہے
خدا کا نام میرے جسم و جاں میں
خدا کا نام ہے میری زباں میں خدا کا نام ہے روحِ رواں میں خدا کا نام قلبِ عاشقاں میں