پھول اس واسطے کھلتا ھے کہ تُو دیکھے اسے
موسم اس واسطے اچھا ھے کہ تُو سیر کرے
Category: شاعری
آہ دی سینے میں آتش کون سی بے درد نے
دل سے لے کر منہ تلک امڈا ہوا اک درد ہے
اب تک کوئی بھی تیر ترازو نہیں ہوا
تبدیل اپنے دل کی جگہ کر رہے ہیں ہم
اپنے سینے میں چھپا لے مرے دل کی دھڑکن
یہ کـسی وقت ترے کام بھی آ جائے گی
اپنے ہی دِل کو مار لِیا مار مار کے
دیکھے تو کوئی جبر مِرے اختیار کے
اک دل مضطرب ہے پہلو میں
اور سینہ ہے ایک دم بیزار
اک نقش تمہارا ہے کہ وہ دل میں جما ہے
اک تُُـم ہو کہ پہــلُو میں ٹھہــرنا نہیں آتا
اگر میرا دل میرے ساتھ نہیں ہے
تو ہمنشینی سود مند بھی نہیں ہے
ایسے کو تو خدا کی قسم چھوڑنا ہے کفر
تجھ سا حسیں ہو، اور نہ دل بے قرار ہو
ایک دن پوچھتی پھرے گی حیات
اہلِ دل کس نگر میں رہتے ہیں