لب واقفِ ثنائے امارت نہ ہو سکے
حیدرؔ فقیر گوشہ نشیں تھا ، غیور تھا
Category: شاعری
وہ دن گئے کہ صرف گریباں پہ زور تھا
اب ہاتھ میں ہوں دامنِ صحرا لیے ہوئے
تنقید سے خفا نہ ستائش پسند ہوں
یہ دونوں پستیاں ہیں میں ان سے بلند ہوں
یہ جان جائے تو جائے ہوس نہیں جاتی
یہ آگ وہ ہے جو بجھنے میں نہیں آتی
ہزار خُم ہوں مگر مے سے جی نہیں بھرتا
یہ خواہشوں کا سمندر کبھی نہیں بھرتا
یہ اور بات ہے اب یاد تک نہیں آتا
کسی کے نام سے آرائشِ بیاں تھی کبھی
یہ کیا دستِ اجل کو کام سونپا ہے مشیت نے
چمن سے توڑنا پھول اور ویرانے میں رکھ دینا
حیدرؔ یہ بزمِ وقت میں شمعِ ہنر کی قدر
دن بھر جلا کے شب کو بھجایا گیا ہوں میں
عورتوں کے ایک آنسو میں ہے امرت کا اثر
اِن کی ہمدردی میں پنہاں مرہمِ زخمِ جگر یہ بسا دیتی ہیں اُجڑے گھر ذرا سی بات میں اس جہاں کی زندگی عورت ہے ، قصہ مختصر
حسن دے کر پھول کو صحرا میں پیدا کر دیا
گوہرِ رخشاں کو وقفِ قعرِ دریا کر دیا ہے نظامِ زندگی بالاتر از ادراک و فہم بس یہی کہیے کہ اس نے جو بھی چاہا کر دیا