میں ایسا پیڑ ہوں جس کی تمام شاخوں پر
تمہاری یاد کی چڑیا پھدکتی رہتی ہے
Category: شعر
نیا کرائے دار یہ سُن کر کانپ رہا ہے
اس کمرے میں صدیوں تک اِک سانپ رہا ہے
پھول بھی نقلی دیے اور عطر بھی جُھوٹا دیا
بول، سچے عاشقوں نے اور تجھ کو کیا دیا؟
میں کہتا ہوں اُسے مت دیکھو لیکن
مری آنکھیں مری سُنتی کہاں ہیں
گیا ہے جو بھکاری، جانتے ہو کون تھا یہ ؟
خود اپنے وقت کا سب سے بڑا فرعون تھا یہ
معاملہ تبھی چلتا اگر ہوا چلتی
میں عِطر والا تھا، میری دکان کیا چلتی
تنہائیِ شب میں ترے ہونے کی تمنّا
روتے ہوئے بچے کو کھلونے کی تمنّا
ہر شخص نے جشنِ لب و رُخسار منایا
اور ہم نے ترے ہجر کا تہوار منایا
روتا ہوں تری کھوئی ہوئی یاد کے دُکھ میں
جیسے کوئی ماں روتی ہو اولاد کے دُکھ میں
تُو پھر سے لوٹ آئی مری شامِ غم تو سُن
کچھ دیر ٹھہر جا ابھی رویا ہوا ہوں میں