اردوئے معلیٰ

Search

اک تجلّی تری گماں میں ہے

جلوہ تیرا ہر اک زباں میں ہے

 

سب ترے ہی وجود کے باعث

جتنا کچھ بھی مرے مکاں میں ہے

 

جس کو پی کر سنبھل گیا انساں

مے وہ بس تیری ہی دکاں میں ہے

 

با مسمّیٰ محمّد اسم ترا

تجھ سا کوئی نہیں جہاں میں ہے

 

جس سے دنیا بدل گئی یک لخت

سوز وہ تیرے ہی فغاں میں ہے

 

میں محمّد کی مدح کر پاؤں

یہ بھلا کب مرے گماں میں ہے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ