اردوئے معلیٰ

Search

کتب میں یکتا کتاب ٹھہری

وہ زندگی کا نصاب ٹھہری

 

سبھی رسولوں میں ایک ہستی

بڑی ہی عزت مآب ٹھہری

 

کتابِ حق کی ہر ایک آیت

نبی کی سیرت کا باب ٹھہری

 

انہی کے دم سے ہے بس حقیقت

وگرنہ ہر شے سراب ٹھہری

 

یہ رحمتِ عالمیں کی رحمت

تو گویا مثلِ سحاب ٹھہری

 

میانِ عاصی و نارِ دوذخ

وہ ذاتِ احمد ، حجاب ٹھہری

 

ہے بے ادب کو یہاں اذیّت

تو آخرت بھی خراب ٹھہری

 

کہ ان کے آگے تمام دنیا

جلیل مثلِ حباب ٹھہری

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ