مری صدا پہ کوئی کان بھی دھرے ، تب نا

میں جاں بلب ہی سہی ، آنکھ کسطرح موندوں

یہ سانس لیتا ہوا درد بھی مرے ، تب نا

میں چاہتا ہوں سنوں تیرے درد کا قصہ

مگر جنون مجھے بے زباں کرے ، تب نا

تمہارے ظرف کی مانند ، میری آنکھ نما

جگر کا زخم بھی کم بخت کچھ بھرے ، تب نا

شکست جھیل تو لی ہے شکست زادوں نے

یہ وحشتیں کبھی کم ہوں مگر ، ارے ، تب نا

تو فکر مند نہ ہو ، میں نہیں مروں گا ابھی

میں ہو سکوں ترے پہلو سےجب پرے ، تب نا

میں تجھ کو دیکھنا چاہوں تو کس طرح دیکھوں

نظر سے دور کبھی ہوں یہ ترمرے ، تب نا

میں نفرتوں سے ترے زخم چھیل سکتا تھا

مگر میں مانتا جو تیرے مشورے ، تب نا