محبت کیا ہے ؟
اُس نے بھی یہ مجھ سے آج پوچھا ہے
بتاسکتاہوں میں اِتنا ،مجھے معلوم جِتناہے
محبت لفظ ایسا ہے
ادا ہو جب زباں سے تو
یہ دل کاترجماں بھی ہے
فقط عنوان ہی کب ہے؟
مکمل داستاں بھی ہے
مِرے محبوب کے در کایہ سنگ ِ آستاں بھی ہے
محبت شوق کااِک قافلہ ہے،یوسف ِ بے کارواں بھی ہے
اندھیروں کاسفر بھی ہے ، محبت کہکشاں بھی ہے
یہ اِک خاموش جذبہ بھی، زبان ِ بے زباں بھی ہے
بدلتے رنگ اور موسم بتاتے ہیں
کبھی یہ مہرباں ہے تو کبھی نامہرباں بھی ہے
محبت کی نہیں بھی تو نہیں ہے، اس میں ہاں بھی ہے
محبت ہے سہانی صبح ، شام ِ ِ دوستاں بھی ہے
محبت دھوپ کاصحرابھی ہے، اِک سائباں بھی ہے
یہ سنگ ِ میل بھی ،رستے کااِک سنگ ِ گراں بھی ہے
اگر پھوٹے یہ چشمہ بن کے تو آب ِ رواں بھی ہے
نماز ِ زندگی بھی ہے، محبت اِک اذاں بھی ہے
–
محبت کے بہت سے رنگ ،ڈھنگ، آہنگ ہوتے ہیں
جھلک اِس کی کوئی بھی دیکھ لے ،ہم دنگ ہوتے ہیں
محبت کیا ہے ؟یہ معصومیت سے اُس نے پوچھاہے؟
–
مجھے توایسا لگتاہے
محبت خواب بھی ہے، اِک حقیقت بھی ،گماں بھی ہے
محبت ناخدا بھی، ناؤ بھی ہے، بادباں بھی ہے
محبت بحر بھی ہے ، بلکہ بحر ِ ِ بے کراں بھی ہے
محبت لفظ ہے ایسا
اگرہم غورسے دیکھیں تو مفہوم و معانی کا یہ بے شک اِک جہاں بھی ہے
محبت اِک پڑاؤ ہے،سفر ہے ،کارواں بھی ہے
یہ اِک چیلنج بھی ہے، اِک مسلسل امتحاں بھی ہے
محبت اِک کلی بھی، پھول بھی ہے،گلستاں بھی ہے
محبت آگ بھی، شعلہ بھی، شبنم بھی ،دھواں بھی ہے
محبت امن بھی ہے،شانتی بھی ہے،اماں بھی ہے
محبت تیشہ ءفرہاد بھی ، کوہ ِ گراں بھی ہے
محبت سسی پنوں کی ادھوری داستاں بھی ہے
محبت رومیو جیولیٹ کی یادوں کانشاں بھی ہے
محبت ہیر رانجھا،میرزا ہے، صاحباں بھی ہے
یہ اِک شبنم کاموتی بھی ہے،اِک آتش فشاں بھی ہے
محبت گرمیوں کی دھوپ میں اِک سائباں بھی ہے
محبت ایک جذبہ ہے،نہاں بھی ہے،عیاں بھی ہے
محبت حسن دھرتی کا،یہاں بھی ہے،وہاں بھی ہے
دھنک رنگوں سے یہ آراستہ اِک آسماں بھی ہے
ہے رنگوں سے سجی دُنیا،محبت گل فشاں بھی ہے
محبت ہے نِری خوشبو، بہار ِ جاوداں بھی ہے
اگر دو دل اکٹھے ہوں ، محبت ایک جاں بھی ہے
محبت راز بھی ہے دوستو،اِک راز داں بھی ہے
محبت کھولتی ہے رازجو سربستہ ہوتے ہیں
محبت کی بدولت دل سے دل وابستہ ہوتے ہیں
محبت میں ہمیشہ فیصلے برجستہ ہوتے ہیں
محبت کہہ کے دیکھو ، لب سے لب پیوستہ ہوتے ہیں
اُس نے بھی یہ مجھ سے آج پوچھا ہے
بتاسکتاہوں میں اِتنا ،مجھے معلوم جِتناہے
محبت لفظ ایسا ہے
ادا ہو جب زباں سے تو
یہ دل کاترجماں بھی ہے
فقط عنوان ہی کب ہے؟
مکمل داستاں بھی ہے
مِرے محبوب کے در کایہ سنگ ِ آستاں بھی ہے
محبت شوق کااِک قافلہ ہے،یوسف ِ بے کارواں بھی ہے
اندھیروں کاسفر بھی ہے ، محبت کہکشاں بھی ہے
یہ اِک خاموش جذبہ بھی، زبان ِ بے زباں بھی ہے
بدلتے رنگ اور موسم بتاتے ہیں
کبھی یہ مہرباں ہے تو کبھی نامہرباں بھی ہے
محبت کی نہیں بھی تو نہیں ہے، اس میں ہاں بھی ہے
محبت ہے سہانی صبح ، شام ِ ِ دوستاں بھی ہے
محبت دھوپ کاصحرابھی ہے، اِک سائباں بھی ہے
یہ سنگ ِ میل بھی ،رستے کااِک سنگ ِ گراں بھی ہے
اگر پھوٹے یہ چشمہ بن کے تو آب ِ رواں بھی ہے
نماز ِ زندگی بھی ہے، محبت اِک اذاں بھی ہے
–
محبت کے بہت سے رنگ ،ڈھنگ، آہنگ ہوتے ہیں
جھلک اِس کی کوئی بھی دیکھ لے ،ہم دنگ ہوتے ہیں
محبت کیا ہے ؟یہ معصومیت سے اُس نے پوچھاہے؟
–
مجھے توایسا لگتاہے
محبت خواب بھی ہے، اِک حقیقت بھی ،گماں بھی ہے
محبت ناخدا بھی، ناؤ بھی ہے، بادباں بھی ہے
محبت بحر بھی ہے ، بلکہ بحر ِ ِ بے کراں بھی ہے
محبت لفظ ہے ایسا
اگرہم غورسے دیکھیں تو مفہوم و معانی کا یہ بے شک اِک جہاں بھی ہے
محبت اِک پڑاؤ ہے،سفر ہے ،کارواں بھی ہے
یہ اِک چیلنج بھی ہے، اِک مسلسل امتحاں بھی ہے
محبت اِک کلی بھی، پھول بھی ہے،گلستاں بھی ہے
محبت آگ بھی، شعلہ بھی، شبنم بھی ،دھواں بھی ہے
محبت امن بھی ہے،شانتی بھی ہے،اماں بھی ہے
محبت تیشہ ءفرہاد بھی ، کوہ ِ گراں بھی ہے
محبت سسی پنوں کی ادھوری داستاں بھی ہے
محبت رومیو جیولیٹ کی یادوں کانشاں بھی ہے
محبت ہیر رانجھا،میرزا ہے، صاحباں بھی ہے
یہ اِک شبنم کاموتی بھی ہے،اِک آتش فشاں بھی ہے
محبت گرمیوں کی دھوپ میں اِک سائباں بھی ہے
محبت ایک جذبہ ہے،نہاں بھی ہے،عیاں بھی ہے
محبت حسن دھرتی کا،یہاں بھی ہے،وہاں بھی ہے
دھنک رنگوں سے یہ آراستہ اِک آسماں بھی ہے
ہے رنگوں سے سجی دُنیا،محبت گل فشاں بھی ہے
محبت ہے نِری خوشبو، بہار ِ جاوداں بھی ہے
اگر دو دل اکٹھے ہوں ، محبت ایک جاں بھی ہے
محبت راز بھی ہے دوستو،اِک راز داں بھی ہے
محبت کھولتی ہے رازجو سربستہ ہوتے ہیں
محبت کی بدولت دل سے دل وابستہ ہوتے ہیں
محبت میں ہمیشہ فیصلے برجستہ ہوتے ہیں
محبت کہہ کے دیکھو ، لب سے لب پیوستہ ہوتے ہیں
