اردوئے معلیٰ

امن اور آگہی ، بندگی ہیں نبی

سر سے پاؤں تلک روشنی ہیں نبی

 

سارے عالم کو بانٹیں گے رحمت نبی

جسمِ کونین کی زندگی ہیں نبی

 

جن کا ثانی زمانے میں کوئی نہیں

ایسے شہ کارِ ربِ جلی ہیں نبی

 

جن سے رُشد و ہدایت کے سب سلسلے

ضوفشاں شمعِ حق آخری ہیں نبی

 

جانِ صدیق ہیں ، تاجِ فاروق ہیں

عزِ عثمان و فخرِ علی ہیں نبی

 

اُن کے آنے سے رنج و الم مٹ گئے

ساری دنیا میں وجہِ خوشی ہیں نبی

 

نورِ حق کا سراپا رضاؔ ہیں وہی

کیا بتاؤں کہ کیسے نبی ہیں نبی

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات