اردوئے معلیٰ

اُنہی کی مہربانی کا صلہ ہے

ہمیں جو کچھ ملا اُن سے ملا ہے

 

نہ طیبہ کی ہوئی اب تک زیارت

مجھے اپنے نصیبوں سے گلہ ہے

 

سنی کس نے وحی سے گفتگو تھی

کلام اللہ زبانِ مصطفیٰ ہے

 

ہے مذہب غیب پر ایمان لانا

نہیں مسلم جو شک میں مبتلا ہے

 

یقین کر لو کہا جو مصطفیٰ نے

اُلجھنا بحث میں سب سے برا ہے

 

کہا مولا نے جب لا رَیب فیہ

یہی اب نُورؔ سب کا فیصلہ ہے

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات