اردوئے معلیٰ

Search

آتی ہے رات دن اک آواز یہ حرم سے

رونق جہاں پہ چھائی آقا کے دم قدم سے

 

توفیق نعت کی ہے سرکار کے کرم سے

لکھتا ہوں نعت دل پر عرفان کے قلم سے

 

دکھ درد دور میرے فوراً ہی ہو گئے تھے

نعتِ نبی پڑھی جب محفل میں چشمِ نم سے

 

اک بار حاضری کی توفیق گر ملے تو

سب حال دل کے کہہ دوں سرکارِ محترم سے

 

زاہدؔؔ کو خوف ہو کیوں محشر کی سختیوں کا

بخشش تو اس کی ہو گی محبوب کے کرم سے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ