لب دیر سے ہیں تشنۂ اظہار، کرم کر

اِک عُمر سے آنکھوں میں لیے خوابِ تمنا

جانے کو ہے اب تیرا یہ بیمار، کرم کر

تُو دل کے نہاں خانے میں آ ناز بہ انداز

یہ آنکھ تو ہے حائلِ دیدار، کرم کر

گو ہاتھ میں قیمت نہیں اُس گردِ سفر کی

اور ہُوں مَیں مدینے کا طلبگار، کرم کر

دیتے ہیں خبر تیرے ہی آنے کی مسلسل

کچھ کہتے ہوئے مجھ سے یہ آثار، کرم کر

اے میرے طرف دارِ عطا، میری خبر لے

اے میرے دل و جاں کے نگہدار، کرم کر

یہ نُطق، یہ خامہ، یہ حوالے، یہ مقالے

یہ تیری محبت کے ہیں پندار، کرم کر

ہاتھوں میں لیے مژدۂ جاءوک کا پرچم

آئے ہیں ترے در پہ خطا کار، کرم کر

مقصودؔ کی بس اتنی سی ہے عرضِ تمنا

سو بار کے مختار! بس اک بار کرم کر

اردوئے معلیٰ

اردوئے معلّیٰ