اردوئے معلیٰ

اے خدائے پاک پیارے مصطفےٰ کے واسطے

بھیج دے ابر کرم مشکل کشا کے واسطے

 

اے خدائے پاک کر بارانِ رحمت کا نزول

راحت جان پیمبر فاطمہ کے واسطے

 

بادلوں کو حکم دے آئیں تو برسیں جھوم کر

حضرت شبر قرار سیدہ کے واسطے

 

ہر طرف سوکھی زبانیں ہیں الٰہ العالمیں

کر دے اب جل تھل شہید کربلا کے واسطے

 

صدقۂ اصحاب پیغمبر کرم کر اے خدا

بھیک ہم کو کر عطا آل عبا کے واسطے

 

سید سجاد باقر اور جعفر کے طفیل

بھیج بارانِ کرم اہل صفا کے واسطے

 

ہیں تہی دامن عطا کردے ہمیں رب کریم

صدقۂ غوث الوریٰ خواجہ پیا کے واسطے

 

بوالعلیٰ سرکار، سرکارِ حسن، شاہِ عزیز

رحم کر ان بندگان باوفا کے واسطے

 

کھول دے باب اجابت اے خدائے کائنات

حضرت نواب شاہ اولیا کے واسطے

 

واسطہ دیتا ہوں دلبند شہ نواب کا

رحم کر سید عزیز اصفیا کے واسطے

 

ساری خلقت تیری رحمت کی ہے پیاسی اے کریم

کر دے بارش انبیا و اولیا کے واسطے

 

صدقۂ شان کریمی کر عطا رب کریم

آبرو رکھ لے خدایا اس دعا کے واسطے

 

لاج رکھ لے نورؔ کی مولا بزرگوں کے طفیل

کچھ نہیں مشکل ترے لطف و عطا کے واسطے

 

دعائے باراں

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات