بچھڑ کے طیبہ سے دل کی شگفتگی نہ رہی

بچھڑ کے طیبہ سے دل کی شگفتگی نہ رہی

وہاں سے آئے تو اُمِّیدِ زندگی نہ رہی

 

وہاں خیال بھی ضو ریز تھا ستارہ صفت

یہاں بہار کے موسم میں دلکشی نہ رہی

 

کرم کے پھول سمیٹے وہاں تو ہر لمحہ

بنے جو پھول یہاں ایسی اک کلی نہ رہی

 

وہ عہد جس میں درخشاں تھیں دین کی قدریں

ہوا نگاہ سے اوجھل تو چاندنی نہ رہی

 

سحر کی چاہ تو دل کو بہت ہے پر آقا ﷺ

زوالِ شب کی کسی کو اُمید ہی نہ رہی

 

شناخت بھول کے غیروں کی سمت دیکھتے ہیں

ہیں سنگ و خشت سے بد تر کہ اب خود ی نہ رہی

 

نہیں کسی کو بھی احساس اپنے لٹنے کا

حقیر شے تھی خودی وہ رہی رہی نہ رہی

 

عجب! کہ عشقِ بلالیؓ کے خوب چرچے ہیں

مگر نہالِ مقاصد میں تازگی نہ رہی

 

جہاد صرف خیالات کی امانت ہے

ادا ہو کیسے امانت، یہ آگہی نہ رہی

 

یہ قوم عزم کی شمعیں بجھا کے بیٹھ گئی

مگر گِلہ ہے! چراغوں میں روشنی نہ رہی

 

حضور ﷺ! اب تو دعاؤں کو نور مل جائے!

وہ دن بھی آئے کہیں ہم کہ تیرگی نہ رہی!

 

عزیزؔ درد کا دریا عبور ہو کیسے؟

کہ اِس بھنور سے نکلنے کی آس بھی نہ رہی

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

ادھر بھی نگاہِ کرم یا محمدؐ ! صدا دے رہے ہیں یہ در پر سوالی
احسنؔ وہ زندگی تو کوئی معتبر نہیں
لو مدینے کی تجلی سے لگائے ہوئے ہیں
میں نے جب بعدِ نبی ﷺ سب سے بڑے انساں کو
فرشتے حضوری میں پہنچا رہے ہیں
قرآن سے پاتے ہیں کیا خوب یہ دانائی
کچھ کفر نے فتنے پھیلائے، کچھ ظلم نے شعلے بھڑکائے
میرا خامہ جو یا نبی ﷺ لکھے
تخلیقِ نورِ محمدی ﷺ
مرے قلب و جاں تلک آرہا ہے جو سیل حُبِّ رسول ﷺ کا